கமல்-விஜய் இணையும் படம் எனது ட்ரீம் புரஜொக்ட்: சொன்னது யார் தெரியுமா?

உலக நாயகன் கமல்ஹாசனும், தளபதி விஜய்யும் ஒருசில விழா மேடைகளில் ஒன்றாக இணைந்துள்ளனர் என்பதும் ஒருவர் மீது ஒருவர் மிகுந்த மரியாதை கலந்த அன்பு வைத்துள்ளனர் என்பதும் அனைவரும் அறிந்ததே. சமீபத்தில் கூட விஜய்யை தனது சகோதரர் என அழைத்த கமல், அவர் அரசியலுக்கு வரவேண்டும் என்று தான் விரும்புவதாக தெரிவித்திருந்தார்

இந்த நிலையில் முதன்முதலாக கமல்ஹாசன் மற்றும் விஜய்யை திரையில் இணைக்கும் கனவு புரஜொக்ட் ஒன்று தன்னிடம் இருப்பதாகவும், இந்த படத்தை நேரம் வரும்போது இயக்குவேன் என்றும் பாடகர், பாடலாசிரியர் மற்றும் இயக்குனருமான அருண்காமராஜ் பேட்டி ஒன்றில் தெரிவித்துள்ளார். இவர் தற்போது சிவகார்த்திகேயன் தயாரிக்கும் 'கனா' என்ற படத்தை இயக்கி வருகிறார் என்பது குறிப்பிடத்தக்கது.

கமல் மற்றும் விஜய் இருவருமே மாஸ் நடிகர்கள் என்பதால் இருவரும் இணையும் படம் நிச்சயம் உலகம் அளவில் பெரும் பரபரப்பை ஏற்படுத்தும் என்பதில் சந்தேகம் இருக்காது. இப்படி ஒரு படம் உருவானால் அந்த படம் பல வருடங்கள் பேசப்படும் ஒரு படமாக இருக்கும் என்பதே அனைவரின் கருத்தாகும்